Buorre idit Sápmi

Buorre idit Sápmi

Ođđasat Sámedikkiin Ruoŧas ja Suomas, oalaluldávttiid máhcaheamis ja gáktepoles-filmma govvemiin

pe 18.9. klo 8.00–9.00
Viimeisin

Davviriikalaš Buorre iđit Sápmi -sátta

Seuraava lähetys

Buorre idit Sápmi

tänään klo 8.00–9.00

Riŋges studioi tlf 016 6757524 dahje sáddes Whatsapp-dieđu nummirii 040 1909114.

Buorre iđit Sápmi.

Aiemmat lähetykset

Ođđasat Sámedikkiin Ruoŧas ja Suomas, oalaluldávttiid máhcaheamis ja gáktepoles-filmma govvemiin

pe 18.9. klo 8.00–9.00

Giellagáldu ásaheamis Ruoŧa Sámedikkis Lars Miguel Utsi. Suoma Sámedkki čoahkkinvuogádagas Tuoams Aslak Juuso. Dutkojuvovn oaluldávttiid berre máhcahit, oaivvilda Sakka Stångberg Deartnás. Gákteboles filmmain bargamin Oslos, gullat Mikkel Gaup, Sverre Porsanger ja Ailu Gaup. Loahpas vel áigeguovdil áššit bihtánsámegiela dilis, Mikkel Eskil Mikkelsen. Studios Joni Saijets, Jovnna Aikio ja Karen Eira

Sámedikkit bidjamin Giellagáldu johtui, dutkanbeaivvit allaskuvllas, ođđa fitnodat buvttadit musihka ja filmma

to 17.9. klo 8.00–9.00

Ruoŧa Sámediggi čoahkkana vuosttas geardde gáiddusin, liigečoahkkima áidna áššin lea giellagáldu ásaheami dohkkeheapmi, muitala čoahkkinjođiheaddji Lars Miguel Utsi. Sámedikkiid giellagáldu-ovttasbarggus joatka presideanta Aili Keskitalo. Sámi allaskuvlla dutkanbeaivvit leat álgán. Sámemusihka, -filmma ja -spealuid ođđa buvttadanfitnodat lea ásahuvvon, Kati Eriksen lea nubbi Uksi Production oamsteaddjiin. Sáhka lea maid Sámedikki rollas Norgga alimus rievtti veahkkin ovtta diggeáššis, gullat Sámedikki presideantta ja jurista kommenttaid. Studios Joni Saijets ja Jovnna Aikio

Dutkanbeivviin sáhka máŋggagielatvuođas, biergohaddi vuollin, olbmo dávttiid eai hálit museas vurkkodit

ke 16.9. klo 8.00–9.00

Dutkanbeaivvit álget Sámi allaskuvllas, vuosttas logaldallamis odne muitala Berit Anne Bals Baal ja su fáddan lea "Movt máŋggagielatvuohta lea mánnái buorrin". Vuoliduvvon biergohattit dagahit váivvi boazoeaiggádii, das muitala Mikael Kuhmunen Sirges čearus Johkamohkis. Dolin Sámis roggojuvvon olbmodávttiid musea ii hálit šat vurkkodit, muhto mo áššiin dál ovdánit, dasa vástideaba museahoavda Sari Valkonen ja Sámedikki ságadoalli Tuomas Aslak Juuso. Girjemielas Lea Simma árvvoštallá Ella Karin Blind girjji Ealllima govat. Loahaps lea sáhka bieggamilluid váikkuhusaid ja olmmošrivttiiin dan oktavuođas, Oula-Antti Labba Sámiráđi olmmošriekteossodagas muitala. Studios Joni Saijets ja Jovnna Aikio

Sealgeeatni barggus Emma Kuoljok, luohteskearrus Iŋgor-Nila, Deanu šaldi rahpamis Ebba Joks

ti 15.9. klo 8.00–9.00

Čalbmeeadni, sealgeeadni, jorddamovra Emma Kuoljok illuda go beassa vehkehit barggustis sámegillii. Luđiid ja luohtebáddema duogážiin muitala juoigi Iŋgor-Nila, Nils Peder A. Gaup. Deanu ođđa šaldi rahppojuvvo áibmadas meanuin, muitala Ebba Joks Deanu kultirskuvllas. Sámi oahpahusguovddáš lea ain várrugas čoahkkanemiin ja mátkkoštemiin, vaikko ráját rahpasitge eanet, das muitala ovddidanhoavda Janne Näkkäläjärvi. Girkoráđđi gárttai hilgut nuoraid deaivvadeami go unnán lei beroštupmi dán vuoro, muitala Risten Turi Aleksandersen. Studios Joni Saijets ja Jovnna Aikio

Dáidaga jurddabeassi, dáruiduhttima historjá, buohccedivššároahppu, ládjogahpirat ja Vegard Bjørsmo

ma 14.9. klo 8.00–9.00

Jurddabeassi sámedáidaga ja kulturasuorggi hástalusaide vástidit, das muitala Christina Hætta Sámiráđi kulturossodagas. Norgga ja Ruoŧa riikkaid dáruiduhttinpolitihkaid erohusaid lea dutkan Karin Mannela. Sámi buohccedivššárohppui lea dál ohcanáigi, gullat prošeaktajođiheaddji Anja Karen Somby. Ládjogahpir-čájáhus dál viiddiduvvon hámis Anáris, govvačájáhusas muitaleaba dáiddár Outi Pieski ja Sajos vuovdalanhoavda Katariina Guttorm. Loahpas vel Vegard Bjørsmo vásáhuat lávlun- ja guoimmuhanprográmmas. Studios Joni Saijets ja Jovnna Aikio

Suoma mátkkoštanráddjehusat, Arvresjávrri sámedoaimmat koronaáigge, Norgga sámediggi sáhttá leat boastut ádden Finnmárkku šiehta

pe 11.9. klo 8.00–9.00

Buorre iđit Sápmi -sáddagis gullat suoma mátkkoštanráddjehusaid birra. Sáddagis váldit oktavuođa fitnodatdoalli Kaisu Nikulai geas lea hotealla Anáris. Son muitala veahá mot korona lea sis dovdon ja man mielas lea ođđa mátkkoštanráddjehusain.

Sáddagis váldit oktavuođa maiddái Árvesjávrri sámikoordináhtor Mariann Lörstradii. Son muitala mot koronapandemiija váikkuha sámedoaimmaide Árvesjávrris.

Norgga sámediggi sáhttá leat boastut ádden Finnmárkku šiehtadusa jagis 2005 ja nu soaitá maid addán buot sámi álbmoga vejolašvuođa ieš mearridit Finnmárkku eatnamiid hárrái. Dan oaivvilda professor ja boahttevaš alimus rievtti duopmár Jens Edvin Skoghøy. Piera Balto ja Oscar Biti Næss NRK Sámis muitaleaba áššis eanet ja gullat maiddái Sven Roald Nystø gii lei Sámedikki presideantta 2005.

Yle Sámi mánáidprográmmaid buvttadeaddji Heli Huovinen ohcá mánáid searvat Unná Junná -mánáidprográmmai.

Govas Kaisu Nikula. Gova lea váldán Kirsti Länsman / Yle

Sáddaga lágidit Heijá Ánne Inger-Ánne Inger-Elle - Inger-Elle Suoninen, Beaivvát Heaika, Åsa, Inger Anne Maret – Anne-Marit Päiviö, Gánddaš Sámmol Sulo Joni – Joni Saijets

Riŋges studioi tlf 016 6757524 dahje sáddes Whatsapp-dieđu nummirii 040 1909114.

Buorre iđit Sápmi.

Máilmmi iešsoardimiid eastadanbeaivi, Gáktebeaivi ja Joavnna Aikio muitaleame Palsinoja geahčadeamis

to 10.9. klo 8.00–9.00

Duorastaga lea máilmmi iešsoardimiid eastadanbeaivi ja Buorre iđit Sápmi -sáddagis váldit oktavuođa doavttir Heidi Eriksenii guhte lea bargan earret eará prošeaktajođiheaddjin Eallin-fidnus mas skuvlejedje sihke ámmátolbmuide ahte servodaga lahtuide iešsoardimiid eastadandáiddut. ja de son lea leamašan mielde dahkame plána Norgga, Ruoŧa ja Suoma sápmelaččaid iešsorbmemiid easttadeapmái. Sáddagis váldit oktavuođa maiddái filbmadahkki Sunna Nousuniemii gean filbma gáidat/máhccat filmmas boahtá ovdan iešsoardin.

Nubbi fádda maid sáddagis gieđahallat lea gáktebeaivi. Duorastaga ávvudit gáktebeaivvi ja Noereh searvvi geat leat álggahan dán beaivvi. Sáddagis váldit oktavuođa organisašuvnna stivralahttu Ingá Káre Márja Utsii. De gullat maiddái Lise Tapio Pittja gii gii dovdda duoji ja earenomážit gákteduoji. Sáddagis váldit oktavuođa maiddái Ántte Mihkkal Gaupii guhte gárvoda juohke beaivvi gávttiin.

Doaimmaheaddji Jouni Aikio lea maid mielde sáddagis muitaleame maid son lea oaidnán ja gullán Palsinoja guovllus Anára gieldda Lulimus guovllus gos dál álgovahkkus leat čoahkkanan Suoma Alimus hálddahusrievtti lahtut go maiddái Sámedikki áššemeannudeaddjit, moadde badjeolbmo ja golleroggi. AHR lei boahtán guovtti beaivái árvvoštallat, makkár váikkuhusat golleroggamis leat.

Sáddaga lágidit Heijá Ánne Inger-Ánne Inger-Elle - Inger-Elle Suoninen, Beaivvát Heaika, Åsa, Inger Anne Maret – Anne-Marit Päiviö, Gánddaš Sámmol Sulo Joni – Joni Saijets

Govva: Vesa Toppari / Yle Riŋges studioi tlf 016 6757524 dahje sáddes Whatsapp-dieđu nummirii 040 1909114.

Buorre iđit Sápmi.

Vulle Vuojaš golmma sámegillii, girjeárvvoštallan ja Kirsi Ukkonen muitala makkár lea guobbarjahki

ke 9.9. klo 8.00–9.00

Vulle Vuojaš almmustuvvá bearjadaga golmma sámegillii. Davvi-, Julev- ja Lullisámegillii. Sáddagis mii váldit oktavuođa Berit Margrethe Oskalii guhte lea jorgalan oasáža davvisámegillii. Fáttas gullat maiddái julevsámegielat jorgaleaddji Heidi Birgitta Andersen.

De gullat maid girjeárvvoštallama Kerttu Vuolab girjjis Bárbmoáirras. Girjji lea árvvoštallan Heaika Wuolab Wollberg.

Sáddagis gullat maiddái das makkár guobbarjahki dán čavčča lea. Anja Kaarret lea fitnan Kirsi Ukkoneniin guobbarmeahcis. Sáddaga lágidit Heijá Ánne Inger-Ánne Inger-Elle - Inger-Elle Suoninen, Beaivvát Heaika, Åsa, Inger Anne Maret – Anne-Marit Päiviö, Gánddaš Sámmol Sulo Joni – Joni Saijets

Govas lea Kirsi Ukkonen. Gova lea váldán Anja Kaarret.

Riŋges studioi tlf 016 6757524 dahje sáddes Whatsapp-dieđu nummirii 040 1909114.

Buorre iđit Sápmi.

Ruoŧa sámediggi evttoha 130 miljon ruvnnu lassi sámegiela ovdánahttimii, Muumenleehi, Sámeráđi podcast

ti 8.9. klo 8.00–9.00

Buorre iđit Sápmi -sáddagis gullat das go Ruoŧa Sámediggi lea geigen evttohusa Ruoŧa ráđđehussii mii guoská doaibmaplánii sámegielaide. Sámediggi evttoha sierra sámi giellalága, viiddis oahpahusbidjosiid mánáin gitta rávesolbmuide ja lassi ruđa Sámediggái ja iežá eiseválddiide. Sámediggi evttoha badjel 130 miljon ruvnnu jahkásaččat ja birrasii 30 miljon ruvnnu prošeaktadoarjagiin čađahan dihte doaibmaplána. Guovssonástti Lars-Miguel Utsi lea Sámedikki giellalávdegotti ságadoalli ja son čilge maid sierra sámi giellaláhka mearkkašivččii.

Mánnodaga bođii Anárašgielat Muumenleehi ráiddu vuosttaš oassi. Sáddagis váldit oktavuođa vánhen Virpi Kulmalai guhte orru Tamperes. Son muitala dovdduidis dasa go Mumenat hupmet dál Anárašgiela.

Sámeráđi podkástas oahpásmuvvat Guoládaga sámiid dillái, mii háleštit podkásta buvttadeaddjin Sunna Nousuniemiin

Norgga Sámediggi celkkii oainnus ráđđehusa davviguovllupolitihkkii mannán mánus, mas muittuha iežas dadjamuša ja ovddalgihtii váikkuhanvejolašvuođaid. Nordkalottfolket jođiheaddji bivdá, ahte ráđđehus ii váldde vuhtii cealkámuša go oaivvilda dás vigget vetovuoigatvuođa ásahit Sámediggái. Áššis gullat Torill Bakken Kåven, Nordkalottfolket jođiheaddji, Runar Myrnes Balto NSR jođiheaddji.

Sáddaga lágidit Heijá Ánne Inger-Ánne Inger-Elle - Inger-Elle Suoninen, Beaivvát Heaika, Åsa, Inger Anne Maret – Anne-Marit Päiviö, Gánddaš Sámmol Sulo Joni – Joni Saijets

Riŋges studioi tlf 016 6757524 dahje sáddes Whatsapp-dieđu nummirii 040 1909114.

Buorre iđit Sápmi.

Fred Buljo vuosttaš Skal vi danse maŋábealde, Tundra Electro ođđa skearru, Giron sámeteáhteris vuosttaščájálmas Aednan

ma 7.9. klo 8.00–9.00

Buorre iđit Sápmi -sáddagis gullat dan birra go Badjelaš golbma vahkku dassái doalai Guovdageainnu suohkanbáhppa Bjarne Gustad ovtta sárdni Máze girkus mii lea boktán Norgga álbmoga. Sártnistis dubmii náitalkeahtes páraid, earrá¬neami, abortta, sohka¬beale¬molsuma ja homo¬fiillaid. Dál lea ášši beaggán Norgga mediain badjel váhkku, ja dál muitala son movt dát áigi lea leamaš. bearjadaga leai vuosttasčájálmas Giron sámi teáhtera ja Riikkateáhtera oktasaš bihtás Aednan. Vuođđun teáhterbihtái lea Linnea Axelssona girji mainna vuittii August-bálkkašumi 2018. Åsa Simma lea Giron sámi teáhtera hoavda ja son logai na maŋŋel vuosttasčájálmasa. Dál leat divvume sámi dološ visttiid Jiellevári ruovttuguovllumuseas, man ruovttuguovllusearvi ruhtada. Ja da lea Heikko Lásse Josep, Josef Blind, Jiellevárris, gii fuomášuhtii Jiellevárri gieldda ahte goađi ja áitti leai háddjoseame. Sáddagis váldit oktavuođa artista ja buvttadeaddji Fred Buljoi guhte dánssui vuosttas geardde dánsunparkeahtta alde Skal vi danse prográmmas man Norgga Tv2:s lágida. Son dánsu ovttas Lillian Aasebø:n (27) ja dál vuosttas prográmmas soai dánssui wienerválssa Rolffa Hjerteknuser lávlagii. Soai oaččuiga 17-čuoggá iežaska dánssas.

Sámi artista ja juoigi Ingá-Máret Gaup-Juuso lea joavkkuinis Tundra Electroin bargamin ođđa skearru. Gaup-Juuso muitala, ahte son lea válljen dál bargat nissonolbmuid luđiiguin.

De gullat maid das go Anárašgiela searvi doalai bearjadaga badjelmearálaš jahkečoahkkima gos mearridedje ahte giellabeassedoaibma sirdojuvvo searvvis Anára gildii. Áššis gullat searvvi ságadoalli Marja Liisa Olthuis ja Matti Morottaja guhte lei álggaheame giellabeassedoaimma 1990-logus.

Sáddaga lágidit Heijá Ánne Inger-Ánne Inger-Elle - Inger-Elle Suoninen, Beaivvát Heaika, Åsa, Inger Anne Maret – Anne-Marit Päiviö, Gánddaš Sámmol Sulo Joni – Joni Saijets

Govas Ingá-Máret Gaup-Juuso. Gova lea váldán Vesa Toppari / Yle Riŋges studioi tlf 016 6757524 dahje sáddes Whatsapp-dieđu nummirii 040 1909114.

Buorre iđit Sápmi.

Viidát TV-fálaldagain, teahterbihtá Eadnan johttá, ballu das mo mátkeealáhusain manná, oahpásmuvvat Inger Marit Eira-Åhreniin

pe 4.9. klo 8.00–9.00

Skal vi danse tv-hervvoštallamis Fred Buljo. Eadnan-teahterčájálmasa vuosttaseahket, Lene Cecilia Sparrock ja Paul Ol Jona Utsi. Mumenat hállet dál maiddái anárašgiela, dáiddár ja mánáid sisdoaluid buvttadeaddji Heli Huovinen árvala dán mearkkašahttin giellaservošii. Gullat turismasuorggi bargi Pirita Portti jurdagiid das makkárin čakča ja dálvi šaddá sin ealáhusas. SVT Sámi Dollagáttis fáláldagas dán čavčča muitala Anna-Karin Niia. Norgga Sámedikki ođđa direkteuvra Inger Marit Eira-Åhren muittuha máttasápmealččaid áššiin. Studios Karen Eira, Joni Saijets ja Jovnna Aikio

Ruvkevuostálastimis, biebmogirjji ja historjjágirjji čállimis, álgoálbmotoktavuođain ja váttis ruhtadili čoavdimis

to 3.9. klo 8.00–9.00

Suoma beale Giehtaruohttasa ruvkkiid vuostálastit geigejedje gaskavahku Helssegis adreassa Suoma birasministerii, gullat Minna Näkkäläjärvi ja minister Krista Mikkonen. Anita Ponga lea čállán girjji mas fáddán lea Smi biebmu ja dálkkas. Neahta bokte lea lágiduvvon alladásat riikkaidgaskasaš eamilálbmogiid deaivvadeapmi geasi áigge, mielde Tuomas Aslak Juuso. Muitalus das go duojár Anna-Stina Svakko ražai ruđalaččat ja mo son čovddi váttis dili. Inger-Mari Aikio lea čohkkne Buolbmajávrri guovlllu hstorjjás, muhto girjjis orru šaddamin menddo stuoris ja divrras. Studios Karen Eira, Joni Saijets ja Jovnna Aikio

Ruvkkiid vuostá 37 000 namain, mátkefitndoaga sámegándalogo, čearuid rievttit ja báhpa sárdni sohkabealleáddejumiin

ke 2.9. klo 8.00–9.00

Ruvkevuosttálastiid mannamin nammalisttuin odne Suoma birasministriiai, Linda Tammela raporta Helssegis ja Petra Laiti sávaldagat mearrideaddjiide. Sámiráđi Christina Hætta sámefáttaid geavaheamis, nu mo hollándalaš mátkefitnodaga sámegándalogos. Lea dehalaš iskat soabadit ovdalgo diggái čearuid rivttiin, das ságastallat Per Olof Nuttiin. Báhppa Bjarne Gustad sárdni rihppaskuvlanuoraide sohkabealleáddejumiin suorggahii. Bismma Olav Øygard ja sohkabealis molson mázelaš Chris Nikolas Hermansen Sara kommenattat. Studios Karen Eira, Joni Saijets ja Jovnna Aikio

Gáiddusoahpahusfálaldat viidána, ođđa girji sirdolaččain, ealgabivdui albmáid miella

ti 1.9. klo 8.00–9.00

Ođđa gáiddusoahpahusfálaldagas Marita Sikku. Hearrát dat bidje min - girjjis sirdolaččain muitala čálli Elin Anna Labba. Ealgabivdu álggii odne, gullat bivdiid dovdduid. Sii leat Jarmo Helander, Yrjö Musta ja Jan Varsi. Ruhtaheađis gielddat giddejit girkkuid Norgga, ee. Porsaŋggus. Aina Borch, Egil Borch ja Hans Oliver Hansen. Studios Karen Eira, Joni Saijets ja Jovnna Aikio

Guohtoneatnamiiin, ruvkkiin, oahpuin, tv-guoimmuheamis ja luđiid roggamis

ma 31.8. klo 8.00–9.00

Son vulggii 22 jahkásažžan Gautsas Kárášjohkii sámegiela oahppat, dán giđa lea son fárren ruoktot oktan bearrašiinis, muitala Márjá Skum Siri Gautsa sámersearvvis. Vegard Bjørsmo ja su lagamusaid dovddut Stjernekampen tv-guoimmuheamis. Ii fal ruvkkiid Suomanjálgii -nammalisttuin politihkkáriid lusa, das muitala Minna Näkkäläjärvi. Nuorra hockey-spealli Kahrma Pavval lea beassan Skellefteå AIK nissonjovkuii. Sogas gávdnojedjege luođit, ja daid Laura Tapiola juoiggai konsearttas. Studios Karen Eira, Joni Saijets ja Jovnna Aikio

Ságastallan Vegard Bjørsmoain, Sárevuomi čearru dáhpii norgga stáhta vuostá, Sámi musihkka-akademiija festivála

pe 28.8. klo 8.00–9.00

Bearjadaga Buorre iđit Sápmi -sáddagis ságastallat Vegard Bjørsmoain. Son lea mielde Norgga stjernekamp-gilvvus. Son muitala goas son fuomášii ahte musihkka lea duođai geasuheaddji ja dehálaš sutnje.

De gullat ságaid das go Sárevuopmi dáhppui norgga stáhta vuostá. gullat odne kommentáraid sihke Sárevuomi čearu ságadoalli Ber-Ánte Nutti ja Romssa universitehta sámi juridihkkačeahppi, juridihkalaš ossodaga vuosttašamanueansa Ánde Somby.

Sáddagis váldit oktavuođa maiddái Sámi musihkka-akademiija Anna Näkkäläjärvi-Länsmanii guhte lea musihkka-akademiija jođiheaddji ja oahpaheaddji. Son muitala Sámi musihkka-akademiija festivála birra.

Gullat maid das , go Sámi girkoráđđi bovde sámi nuoraid Tromsii čakčamánus gos fáddán lea vánddardit luonddus dahje nugo dárogillii "pilgrimsvandring". Nu muitala Sámi Girkoráđi váldočálli Risten Turi Aleksandersen.

Sáddaga lágidit Heijá Ánne Inger-Ánne Inger-Elle – Inger-Elle Suoninen, Gánddaš Sámmol Sulo Joni - Joni Saijets ja Heaika Joret - Jörgen Heikki

Riŋges studioi tlf 016 6757524 dahje sáddes Whatsapp-dieđu nummirii 040 1909114.

Buorre iđit Sápmi.

Turista mátkebulljarasas, Upmi universitehta olahus, dálkkádat ságastallamat ja sávvá animašuvnnaid sámegillii

to 27.8. klo 8.00–9.00

Duorastaga Buorre iđit Sápmi -sáddagis gullat dan birra, go Koronavirusa dagahan pandemiija lea čuohcán garrasit Davvi-Suoma turismii, muhto dál dan leat geahččaleamen gádjut ođđa konseapttain, mii vuođđuduvvá dorvvolašvuhtii. Nu gohčoduvvon Mátkkošteaddji bálggis -konseapta jurddan lea, ahte turista lea iežas mátkebulljarasa siste. Dat dárkkuha dan, turisttat leat nu unnán go vejolaš dahkamušas báikkálaččaiguin ja sii maiddái testejuvvojit ovdal mátkki ruovtturiikkastis dahje go ollejit Supmii. Turismafitnodagat leat fuolas das, mo sidjiide geavvá olgoriikalaš turisttaid haga. Fitnodatdoalli Uule-Niiles Sara lea duđavaš dasa, ahte turismaealáhusa gádjumii leat biddjon návccat. Dan lassin gullat das go Ubmi universitehtas lea dán jagi ođđa ohcci olahus easkkaálgiid sámegielkursii. Áššis lea muitaleame Hanna Máret Outakoski geas lea ovddasvástádus davvi sámegiel kurssaide Ubmi universitehtas.

Sáddagis váldit oktavuođa maid Suoma sámedikki ságadoalli Tuomas Aslak Juusoi gii oassálastá bearjadaga Suoma ráđđehusa dálkkádatságastallamiidda: dálkkádatpolitihkka jorba beavdi.

Guovtti máná eatni Kare Raija Anti, rámiida sámedikkiid ja Sámeráđi go sii leat atnán guokte miljovnna ruvnno sihkkarastit ahte Disney filbma Jikŋon guokte, ráhkaduvvui maid sámegillii. Son maid hástala NRK Sámi oastit ja dubbet eará mánáid tv ráidduid, sámegilli. NRK Sámi direktevra Mona Solbakk vástida dasa.

Sáddaga lágidit Heijá Ánne Inger-Ánne Inger-Elle – Inger-Elle Suoninen, Gánddaš Sámmol Sulo Joni - Joni Saijets ja Heaika Joret - Jörgen Heikki Riŋges studioi tlf 016 6757524 dahje sáddes Whatsapp-dieđu nummirii 040 1909114.

Buorre iđit Sápmi.

Eanodaga girdigietti, Duohtavuohta- ja soabadankommišuvdna Norggas, Deanu politihkkárat háliidit ahte buot skuvlamánát oahpaše s

ke 26.8. klo 8.00–9.00

Gaskavahkku Buorre iđit Sápmi -sáddagis gullat ságaid Eanodaga girdigietti boahtteáiggis. Gielda válddii earret eará girdigietti seaivungeainnu bajildusa ordnema iežas hárduid ala. Áššis gullat Eanodaga gieldda váldostivrra vuosttas várreságadoalli Birgitta Eira Bealdovuomis ja Fitnodatdoalli Samuli Näkkälä.

Norgga bealde Duohtavuođa- ja soabahankommišuvdna mátkkošta ja čohkke dieđuid dáruiduhttin váikkuhusaid birra. Mannan vahkkus ledje Porsáŋggus, sámi ja maid kveana guovlu. Áššis gullat Aina Borch. Seamma fáttas gullat maid Kåre Olli ja ovdal su Hartvik Birkely.

Deanus politihkkárat háliidit ahte buot skuvlamánát galggašedje oahppat sámegiela 12-jahkásaš Ingver Dervola Johansen lohká ahte jus fal leat albma oahppan oahpaheaddjit, de jáhkán leat álkit oahppat sámegiela. Sáddagis gullat maiddái Mikkel Eskil Mikkelsena kommenteremin dán ášši.

De gullat maid das go mánggat organisašuvnnat ja meahccefitnodagat moitet oktasaš čállosis stáhta meahccevuodjinguorahallama mii mannan dálvvi geigejuvvui Ruoŧa ráđđehussii. Evttohus ii veháge ráddje skohtervuodjima vahágiid sii deattuhit čállosis. Áššis gullat Jenny Wik Karlsson, Ruoŧa Sámiid riikkasearvvi láhkačeahppi ja Björn Galant, Eanandolliid riikkasearvvi áššedovdi.

Sáddaga lágidit Inger-Elle Suoninen, Joni Saijets ja Jörgen Heikki.

Riŋges studioi tlf 016 6757524 dahje sáddes Whatsapp-dieđu nummirii 040 1909114.

Buorre iđit Sápmi.

Maŋŋebárga dmu 8.00

ti 25.8. klo 8.00–9.00

Riŋges studioi tlf 016 6757524 dahje sáddes Whatsapp-dieđu nummirii 040 1909114.

Buorre iđit Sápmi.

Ođđa dáiddačájáhus, Mats Jonas Pavall árvvoštallá heaitit boazodoaluin, ođđa neahttasátnegirjjit, NRK ođđa nuoraid rádioprográmm

ma 24.8. klo 8.00–9.00

Mánnodaga Buorre iđit Sápmi -sáddagis gullat čájáhusas gos lea dáidda goppáide, máđuide, guobbariidda , loddiide ja uvlluide. Boahtte gease šatta čájáhus meahcis, Novlemanege gielddas. Sámi dáiddár Britta Marakatt Labba lea mielde dan prošeavttas.

Dan lassin gullat dan birra go Mats Jonas Pavalla birra, gii lea árvvoštallamin heaitit boazodoaluin. NRK sámi neahttasiidduin sáhtát lohkat daid olu hástalusaid maid heaitin mielddisbuktá, ja su ju su bearraša jurdagiid dán birra. Journalista Anders Boine Verstad dán ášši birra, ja maid dákkár mearrádus mearkkaša Pavall-bearrašii.

De gullat maiddái ođđa neahttasátnegirji birra maid Oulu universitehta Giellagas-instituhta almmustahttá. Sáddagis gullat emeritusprofessor Pekka Sammallahti guhte lea čállán dávvisámegiela-suoma digitála sátnegirjji giehtačállosa.

Odne NRKs álgá ođđa rádiofálaldat Valvi. Dat lea dárkkuhuvvon 17-jahkásaččaide. Sáddaga gullat Valvvi golbma prográmmajođiheaddji Dávvet Bruun-Solbakk, Isalill Kolpus ja Ivan Buljo. Sii ledje mielde NRK veaigesáddagis bearjadaga.

Sáddaga lágidit Inger-Elle Suoninen, Per Inge Anti Åsen ja Jörgen Heikki

Riŋges studioi tlf 016 6757524 dahje sáddes Whatsapp-dieđu nummirii 040 1909114.

Buorre iđit Sápmi.